Категорија: Новости и Настани

Поранешните искуства во оваа правна гранка го конвалидираа фактот дека обезбедувањето на квалитетен Договор за купопродажба на недвижен имот е клучот на задоволен продавач и купувач. Измените во позитивните законски норми, предвидуваат дека за заштита на правата, но и на обврските на продавачот и купувачот договорот за купопродажба не недвижен имот задолжително треба да биде сочинет од Адвокат. Адвокатот ја гарантира позиција на двете договорни страни и се грижи за законитоста во продажбата. Од есенцијално значење е да изберете квалитетен Адвокат кој има специјализација во оваа област. Нашата канцеларија до сега има изработено преку 100 Договори за продажба на недвижен имот, при што со задоволство истакнуваме дека сите продажби завршиле со среќни и задоволни клиенти.

Во делот на склучување на договори за градење целосно ја разбира позицијата на сопственикот на градежно земјиште, инвеститорот, изведувачот, подизведувачите и надзорот. При склучување на ваков вид на Договори секогаш ја користиме помошта на професионалците, ангажирани надворешни стручни лица – архитекти, со чија помош добиваме целосна слика за маркицата, проектот и чекорите кои треба да се спроведат за да има успешна реализација на нов градеж.

Новиот Закон за заштита на лични податоци кој е усогласен со правото на Европската унија, најголеми новини носи во задолжителното определување на Офицери за заштита на лични податоци, кои е потребно да бидат лица со завршено високо образование со познавања од областа на заштита на лични податоци.

Нашиот тим на ова поле носи повеќегодишно искуство и сертифициран Адвокат за заштита на лични податоци.

Кога станува збор за заштитата на личните податоци, најдобар показател за познавањето е личниот пример. Оттука Адвокатската канцеларија Стаменковски и Митреска има донесено бројни сетови на мерки и усвоени процеси на работа, кои во секое време не само што обезбедуваат доверливост и интегритет на податоците на нашите клиенти, туку и минимум ризик за неовластен пристап до нив или протекување, губење на податоци.

Адвокатската канцеларија Стаменковски и Митреска е регистраран агент за отварање, промени, бришење, пријава на вистински сопственик, спроведување на постапки за ликвидација и стечај на правни лица.

На нашите клиенти им обезбедуваме брза услуга за електронско издавање на тековна состојба, потврда за вистински сопственик и други потврди од Електронскиот систем на Централниот регистар на РСМ.

Семејното право ги покрива односите на бракот и семејството, посебната зашита на семејството, нарушените односи и насилството во бракот и семејството, посвојувањето, старателството, издржувањето, како и постапката пред судот во брачните спорови.

Во постапките поврзани со брачните односи потребен е посебен сензибилетет во работење, особено ако се работи со жртви на семејно насилство.

Смртта е неразделен дел од животот. Уредувањето и поделбата на имот во текот на животот, а и по смртта се дел од правниот систем од неговите зачетоци до денес. Наследното право е сет на правни норми кои го регулираат управувањето, располагањето и поделбата на имотот – движен и недвижен, стекнат од еден член на семејството. Волјата на сопственикот ги определува тековите додека е тој со целосна деловна способност и жив. По смртта настапуваат правните норми.

Трудовото право претставува жива материја која постојано се менува и адаптира. Состојбата предизвикана од пандемијата наречена „Ковид-19“ е најдобар доказ за тоа како овој сегмент од правото е директно поврзан со општествената состојба.

Иако сваа правна гранка е регулирана со основниот Закон за работни односи, бројни lex specialis закони, меѓународни и колективни договори, економските состојби предизвикуваат потреба од пазарно адаптирање како на работодавачите, така и на работниците. Во економски сиромашна држава, како нашата, во оваа област најчесто доаѓа до најголемите прекршувања на човековите права.

Адвокатската канцеларија Стаменковски и Митреска секогаш е подготвена и насочена кон обезбедување на квалитетна информација и заштита на ова поле, како за работодавците, така и за работниците.